upalungaarsimaneq
Uuliakoornermik upalungaarsimasut annikitsumik amigartooruteqartut
Namminersorlutik Oqartussanit pigineqartoq Greenland Oil Spill Response 2015-imi 114.000 koruuninik amigartoorpoq
2015-imi 114.000 koruuninik amigartoorneq aamma ukiumi ilanngaaseereerluni kaaviiaartitat 4,6 millionit koruunit.
Ingerlatsiviup Namminersorlutik Oqartussanit pigineqartup Greenland Oil Spill Responsep (GOSR), Nunatsinni siunissami uuliasiortoqarsinnaaneranut tunngatillugu upalungaarsimasut angusaat taama isikkoqarput.
Naammagisimaarnartoq
Amigartoorutit 2014-imisut ipput, tassani 229.000 koruuniupput, ilanngaassereerlunilu kaaviaartitat minnerulaarput, tassa 4 millionit koruunit.
Aqutsisut 2015-imi angusat naammaginartutut isigaat.
Qinerneqaqqittut
Ataatsimeersuartoqarnerani siulersuisut tamarmik qineqqinneqarput, siulersuisullu suli ukuupput Steen Ove Hansen, Oddbjørg Varhaug Greiner aamma Hanne Berthels.
2015-imi suliat pingaarutillit ilagaat, namminneq kajumissutsiminnik upalungaarsimasussanut ilinniartitsineq kiisalu nunani tamalaani malitassanik akuerisaasunik ilinniartotaanermut peqataaneq, tassani immami nillertumi uuliakoornermut upalungaarsimanermi pitsanngorsaaniarluni ilisimatusartoqassaaq.
Atuaruk: Uuliaarluernermik ilisimatusarnermi Kalaallit Nunaat peqataavoq