Utsummigut hashimik eqqusseriaraluartoq
Qimmip narajuilluni ikiaroornartumik paasiniaasartup hashimik Nunatsinnut eqqusseriaraluartoq paasivaa
Angutit marluk arnarlu Aalborgip eqqaamiut Aalborgimi eqqartuussivimmi pinerloqqikkunik atugassaminnik ulluni 50-ini parnaarussassanngortinneqarput, Nunatsinnut hashimik eqqusseriaraluarsimasutut.
Arnap hashi ruujorilerlugu utsummini naalungiarsuup aqqutaanut mangullugu toqqorsimavaa, angutit hashi mikisunngorlugu aggorlugu iiorarsimagaat, taamatut allappoq nordjyske.dk.
Taakkua Nuummut timmisartumik tikimmata qimmimit narajuilluni hashimik paasiniaasartumit paasineqarput. Hashi katillugu 820 grammi timiminni toqqorsimavaat. Aalborgimi eqqartuussivimmi eqqusseriartut taakkua pingasut oqaluttuarput hashimik annertuunngorlugu tuniniaasartumit Kalaallit Nunaannut ikiaroornartumik eqqussinissaminnut tatineqarsimallutik. Oqarput "allakkisartuinnaallutik", eqqartuussivimmilu kina tunuliaqutaanersoq oqaatigiumasimanagu, taamatut allappoq nordjyske.dk.