Michael Binzer

– Utoqqatserunnaarpunga!

Kalaallit Nunaanni inuussutissarsiuteqartuni akerlerineqarnerpaap, Michael Binzerip, CV-minik peqquserlussimanini maanna puigorpaa. Suliffimmi tungaatigut aallaqqaataaniit aallartippoq maannalu siunnersuisartutut sulilluni

Michael Binzer

- Imminut arlaleriarlunga aperisarsimavu­nga. Sooruna taamaaliortunga? Sooruna ilinniarnikka pillugit salluliorsimasunga? Akissummik ajunngitsumik akissutissaqan­ngilanga, taamaallaat qularnera, imminullu annikiginera nassuerutigisinnaavakka, kiisalu ilinniakkakka naammassisimannginnakkit aliasuutigalugu.

Oqaatsit taamaattut atorlugit Michael Binzerip ukiuni 15­-ini isertugarisimasami tunuliaqutaa oqaasertalerniarsaraa. Siorna novembarimi kikkut tamarmik paasimmas­suk tusagassiuutini qulequtarineqarnerpaat ilagaat.

– Qaammatini kingullerni utoqqatseqat­taartorujussuunikuuvunga. Inuit oqaaserta­lersuisarput, naveersillutik, aqqusinermilu aamma nilliaffigineqartarlunga. Maannalu piffissanngorpoq siumut isigalunga utoq­qatserunnaarlunga inuulernissara. Taa­maaliunngikkumami inuunera ingerlaq­qissinnaanngilaq. Taamatut pisoqarnera uanniittuaannartussaavoq tatigineqarnin­nillu eqquiuaannartussaalluni. Kukkusimanera nassuerutigereerpara akisussaaffillu tigullugu, utoqqatsereerlungalu, maannalu ingerlaqqittariaqalerpunga, Michael Binzer oqarpoq.

Michael Binzerip Sermitsiami saqqummersumi apersorneqarnera, ilaatigut ilinniakkaminik kusassaasimanera, Tele-Postimi suliunnaarnera, oqiliallannera, ilaqutaqarnera, massakkumiinnera siunissarlu pillugu eqqartuinera atuaruk.

Sermitsiaq uani pisiariuk:

Powered by Labrador CMS