Utoqqarnik unammilligassaq
Utoqqarnut ajornartorsiutit annertusigaluttuinnartut aaqqinniarlugit politikerit ukiuni tulliuttunianiingaasarpassuit atussavaat. Pilersaaruteqanngillalli peqqinnissamut aningaasartuutit imaluunniitukiut utoqqalinersiaqalerfiit qaffannissaannut
Naalakkersuisoqatigiit nutaat marlunnik annertuunik unammilligassaqarput. Siulleq tassaavoq innuttaasut inuunertusiartornerat. Aappaalu tassaavoq kalaallit Danmarkimi najugallit amerliartornerat.
AG aviisi taama allappoq.
Taaneqartoq siulleq – tassa utoqqaat amerliartortut sulisinnaasullu ikiliartortut – ersarissumik uppernarsarneqarpoq Kalaallit Nunaanni Naatsorsueqqissaartarfiup kisitsisinik takussutissiaani, sapaatip akunnerani qaangiuttumi saqqummiunneqartumi. Nikeriarnerit annikikkaluarput – taamaattuassaarlu ukiumiit ukiumut – taamaattorli malunnaateqarluarlutik inuiaallu agguataarnerisigut unammilligassaq sunarpiaanersoq takutillugu:
2017-imi apriilimiit 2018-imi apriilimut inuit 65-it sinnerlugit ukiullit 102-nik amerleriarsimapput. Piffissami tassani innuttaasut tamarmiusut marlunnik ikileriarsimapput.
Aaqqissuusseqqinnissaq pillugupilersaaruteqartoqanngitsoq
Ukiuni makkunani nunani arlalinni allani aaqqissuusseqqittoqarpoq, utoqqalinersiaqalernissamut ukiut qaffallugit. Tamanna pivoq sulisartoqarneq aalajaallisarniarlugu. Kalaallit Nunaanni tamakkuninnga pilersaaruteqartoqanngilaq.
Naalakkersuisoqatigiit aamma utoqqarpassuit peqqinnissaqarfimmik artukkiiartulernissaat ernumanartoqartippasinngilaat. Akerlianik innuttaasut ilisimasaarneqarput sammisaqarfimmi tamatumani malunnaatilimmik pitsanngorsaasoqassasoq.
Utoqqaat pillugit unammilligassaq Naalakkersuisoqatigiilersullu qanoq iliuuseqarniarnerat pillugu allaaserisaq AG aviisimi atuaruk. Aviisi uani pisiassaavoq: