Camp Century
USA-p sermersuarmi eqqagai eqqissiviilliortitsipput
Naalakkersuisut aamma IA-p Folketingimut ilaasortaatitaa suliami akissutissarserusupput
Namminersorlutik Oqartussat, Inatsisartuni IA aamma Folketingimi partiit arlallit, Sermersuarmi Camp Centurymi USA-p eqqagai toqqukkat puigukkallu, piffissami silap pissusiata allanngoriartornerani sermillu aakkiartornerani ajornartorsiutaanerat qanoq iluarsineqassanersoq paaserusuppaat.
Information taama allappoq.
Atuaruk: Misissuineq nutaaq: Sakkutooqarfik atomreaktorilik sermimit saqqummissaaq
Ernumanartoq
- Ilisimatuut allaaserisaanni paasissutissat atuarneqarsinnaasut ernumanartorujussuupput. Kalaallit Nunaanni sakkutooqarfinni avatangiisinik annertuumik mingutsitsisoqarnissaanik ernumassutigineqartut ajoraluartumik tamatuma uppernarsarpaa, taakku akisussaaffigineqarnerat USA-mit Danmarkimut tunniunneqarnikuupput, nunanut allanut naalakkersuisoq, Vittus Qujaukitsoq (S) aviisimut ilisimatitsivoq.
Sakkutooqarfiusimasoq qinngornernik ulorianartunik akulinnik eqqagaqartoq siunissami saqqummersinnaanera pillugu, Ilisimatuut qanittukkut saqqummiussinerisa kingorna taama oqariartuuteqartoqarpoq.
Nalunaarusiamik ujartuisoq
Taanna pisortatigoortumik qallunaat amerikamiullu Camp Centurymi sakkutooqarfinnilu allani, USA-p Danmarkimut tunniussimasaanni avatangiisinut mingutsitsinermut nalunaarusiortoqarnissaannik ujartuivoq.
Atuaruk: Sakkutooqarfikumi mingutsitsineq pillugu Sara Olsvig akissutiserusuppoq
Ministerimut apeqquteqartoq
Suliaq aamma Folketingimi tupaallaataavoq, tassani IA-p folketingimut ilaasortaatitaata, Aaja Chemnitz Larsenip, tamanna ernumanartutut isigaa - illersornissamullu ministeri Peter Christensen (V) mingutsitsineq pillugu apeqquteqarfigaa.
Peqatigisaanik Radikale Venstre aamma SF paasissutissat nutaat pillugit qisuariarput, aviisi allappoq.
Sermitsiaq.AG Camp Century pillugu allaaserisaat tamaasa uani atuakkit.