eqqakkat

USA-p qimataanik saliinermut Danmark akiliiniarpoq

Kalaallit Nunaanni Amerikamiut sakkutooqarfigisimasaanni qimatani arlalinni saliinissamut kikkut akiliissanersut ukiorpassuarni saqitsaannerup kingorna, danskit naalakkersuisui akiliiniarlutik nalunaaruteqarput, saliinissamullu 150 millionit koruuninik immikkoortitsipput.

Statsminister Lars Løkke Rasmussen, landsstyreformand Kim Kielsen og Færøernes lagmand Aksel V. Johannesen besøgte under rigsmødet på Christiansø det lokale udsalg af sild.
Karen A. Motzfeldt, Formandens departementStatsminister Lars Løkke Rasmussen, landsstyreformand Kim Kielsen og Færøernes lagmand Aksel V. Johannesen besøgte under rigsmødet på Christiansø det lokale udsalg af sild. Ritzau Foto Karen A. Motzfeldt, Formandens departementStatsminister Lars Løkke Rasmussen, landsstyreformand Kim Kielsen og Færøernes lagmand Aksel V. Johannesen besøgte under rigsmødet på Christiansø det lokale udsalg af sild. Ritzau Foto Karen A. Motzfeldt, Formandens departementStatsminister Lars Løkke Rasmussen, landsstyreformand Kim Kielsen og Færøernes lagmand Aksel V. Johannesen besøgte under rigsmødet på Christiansø det lokale udsalg af sild. Ritzau Foto

Ministeriuneq Lars Løkke Rasmussen (V) Naalakkersuisullu siulittaasuat Kim Kielsen (S) nalunaarummik pingasunngornermi atsioqatigiissuteqarput. Savimikunik eqqakkanillu avatangiisinut navianaatilinnik allanik saliinissamut aappaagumit ukiuni tulliuttuni tallimani ukiumut 30 millionit koruunit aningaasaliissutigineqassapput.

Tapiineq annertusineqarsinnaasoq
Pisariaqartinneqassappat aningaasaliissutigineqartut ilaneqarsinnaassapput. Naalagaaffeqatigiit ukiumoortumik ataatsimiinneranni, ukioq manna Christiansømi pisumi, siunniussat pillugit nalunaarummi atsioqatigiissutigineqartumi tamanna atuarneqarsinnaavoq.

Kim Kielsenip ataatsimiinnissaq sioqqullugu oqaatigaa sakkutooqarfiusimasuni saliisoqarnissaanik piumasaqaateqarniarluni.

Nunatsinni sulisut salliutinneqassapput
150 millionit koruunillu saniatigut, saliinissamut Nunatsinni sulisunik suliffeqarfinnillu sapinngisaminik atuisoqarnissaata oqaloqatigiissutigineqarnissaanik isumaqatigiittoqarnera nunatsinni oqartussat qilanaarisinnaavaat.

Isumaqatigiissutip inaarutaasup ukiaru atsioqatigiissutigineqarnissaa naatsorsuutigineqarpoq.

Amerikamiut sakkutooqarfigisimasaanni saliinissamut millionerpassuarnik aningaasaliisoqarnerata saniatigut, Kangilinnguani sakkutooqarfiusimasumi saliisoqarnissaa danskit naalakkersuisuisa aamma neriorsuutigaat.

Danskit ilisimasassarsioriassapput
Tamatuma saniatigut danskit ilisimasassarsioriartortut piariingajalerput, aasaanerata naannginnerani Amerikamiut sermersuup ataani sakkutooqarfigisimasaannut Camp Centurymut angalassallutik.

/ritzau/

Powered by Labrador CMS