aningaasaqarneq
USA-p Kalaallit Nunaanni ineriartorneq tapersersorusuppaa
- Isumassarsiarpassuaateqarpugut, kisianni sunik pisariaqartitsinissinnik oqaluttuussinissarsi aamma pisariaqartipparput, USA-p Danmarkimi aallartitaa Rufus Gifford Kalaallit Nunaanni inuiaqatigiinnut oqarpoq
- Sumi suleqatigiissinnaanitsinnut, aamma Amerikamiut suliffeqarfiisa namminersortut Kalaallit Nunaanni qanoq ilillutik sumilu aningaasaliissuteqarsinnaanerannut isumassarsianik saqqummiussuigitsi.
Taama USA-p aallartitaa Rufus Gifford, aallartitatut qaammatit qulit matuma siorna ivertinneqarnerminiilli pingajussaa Kalaallit Nunaannut angalasoq septembarimilu tikeraaqqinnissaminik pilersaaruteqartoq, kaammattuuteqarpoq.
- Aallartitaqarfimmi sulisut Kalaallit Nunaannut arlalippassuariarlutik angalasarput ingerlatallu amerliartorlutik. Taamaalilluni USA-p Kalaallit Nunaannik Issittumillu tamarmik soqutigisaqarnerata annertusiartornera takutinneqarpoq, Rufus Gifford oqarpoq Nuummilu sapaatip-akunnerani matumani tikeraarnermini erseqqissaalluni, USA-p inuussutissarsiornikkut aningaasaqarnikkullu suleqatigiinneq nunat illugiillutik iluaqutigisassaannik annertusarusukkaa.
Allaaserineqartoq Sermitsiami atuarneqarsinnaavoq. Aviisi ataani pisiariuk: