tikeraarneq annetooq
USA-mit aqagu tikeraartoqarneq politiinut suliassarujussuussaaq
Kalaallit politiivi ilaatigut Danmarkimi politiinit ikiorneqassapput
USA-p nunanut allanut ministeria John Kerry, Nunatsinnut tikeraarnerani sillimaniarneq annertussaaq.
Nunanut allanut ministeri aqagu tallimanngornermi Ilulissanut tikissaaq, tamanna pisortatigoortumik tikeraarnermut, Naalakkersuisunit aamma danskit naalakkersuisuisa aaqqissuussaannut attuumassuteqarpoq.
John Kerryllu tikeraarnerani kalaallit politiivinut suliassarujussuaq utaqqivoq. Kisianni TAAMAK angitsiginngila, politeeqarfik isumaqarpoq.
Atuaruk: Vittus Kerryp tikeraarnissaa sioqqullugu: Annertuumik sulereernikkut piviusunngorpoq
Danmarkimit ikiortinneq annikitsoq
- Suliassaq taanna naammassinissaanut piareersimalluinnarpugut, politiit pisortaat Henrik Mikkelsen, tusagassiuutinut nalunaarummi oqarpoq.
- Suliassaq nammineq sulisugut annerusumik atorlugit suliarissavarput, Danmarkimit politiinit annikinnerusumik ikiorneqassaagut.
Taassuma naqissuserpaa, suliatik aalajangersimasut ministerip tikeraarnerata nalaani suliariumaaritik.
Danmark tikeraaqqaarniaraa
Ingammik Ilulissani Kangerlussuarmilu innuttaasut politeeqarneruneratigut malugisaqarfigissavaat.
John Kerry ullumikkut Danmarkimut tikissaaq, aqagulu tallimanngornermi danskit nunanut allanut ministeriat Kristian Jensen aamma naalakkersuisoq Vittus Qujaukitsoq (S) Ilulissanukaqatigissavai.
Atuaruk: John Kerry nunatsinnukassamaalersoq
Atuaruk: John Kerry Nunatsinnut tikeraassaaq