Skip to main content

Uranimut akerliusut inuit taasitinneqarnissaannik piumasaqarput

Kuannersuarni suliniummut akuersisoqartinnagu innuttaasut peqataatinneqaqqaassapput

GME-p uranimik aamma aatsitassanik qaqutigoortunik Kuannersuani piiaanissaminut qinnuteqaataa Qinigaaffimmi aallartittumi Naalakkersuisut suliarisussaavaat.

Naalakkersuisut tunngaviusumik uranip bi-produktitut piiarneqarnissaanut akuersaarlutik, naalakkersuisoqatigiit isumaqatigiissutaanni naqissuserneqarpoq. Tamannalu ippassaq akerliussutsimik takutitsisut Inatsisartut ataatsimiittarfianut ingerlaaqatigiittut ernumassutigaat.

- Naalakkersuisoqatigiilerniat aatsitassarsiorneq pillugu isumaqatigiissutaanni innuttaasut peqataatinneqarnissaat qineqqusaarnermi suaartaatigisartik ataasinnguamilluunniit eqqaaneqarsimannginnera tamat oqartussaaqataanerannik peqatigiiffimmiit suliniaqatigiiffinniillu Urani Naamik-miit tunussinertut nalilerparput, ernumanartipparput sakkortuumillu uparuarlugu akerleraarput, aaqqissuisoq Erik Jensen oqalugiarnermini allappoq.

Inunnik taasititsineq

GME piiaanissamut akuersissummut qinnuteqannginnermini inuiaqatigiinnut sunniutinik (VSB) naliliinermik suliaqartussaavoq, kiisalu avatangiisinut sunniutinik (VVM) naliliisussaalluni. Kingulleq taakkartorneqartoq sivisuumik naammassiniarsimavoq, siulleq imakippallaarnera pissutaalluni. Qinnuteqaat tunniunneqarpat, naliliinerit tamarmik tamanut tusarniaassutigineqassapput.

Kisianni tamanna naammanngilaq, uranimut akerlisut taama isumaqarput.

- Suliniaqatigiiffinniit Urani Naamik sinnerlugu sakkortuumik piumasaraarput uran pillugu taasititsisoqassasoq, oqalugiaammi tamanna oqaatigineqarpoq.

Neriorsuutinik eqqortitsinnginnermik pasilliineq

Akerliussutsimik takutitsisut Partii Naleraq aamma Atassut neriorsuutiminnik eqqortitsinngitsutut pasillerpaat. Qinigaaffimmi kingullermi partiit taakku marluk innuttaasunik taasititsisoqarnissaanik siunnersuummut tapersersuisimapput.

- Partii Naleqqap Atassutillu naalakkersuisooqataalersussatut atsioqataasut siulittaasui  uran aatsitassallu qinngornernik ulorianartunik akullik pineqartillugit ilumut tamat oqartussaaqataanerat ataqqillugu innuttaasunik taasititsisoqarnissaa suli attanneraat piffissaq manna iluatsillugu akissutissarserusupparput. Erseqqissumik inuiaqatigiinnut oqaaseqartinnissaat sakkortuumik piumasaraarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER