urandebat

Uranimik piiaanissaq tapersersorlugu ikumatitalisarluni ingerlaaqatigiinneq

Siumut Nuuk pingasunngorpat unnukkut ikumatitalisaarluni ingerlaaqatigiissitsiniarpoq, atortussiassanut radiop qinngornerinik ulorianartunik akulinnik akuersaanngilluinnarnerup atorunnaarsinneqarnissaa tapersersorlugu

Siumut Nuuk arrangerer onsdag aften et fakkeloptog, som støtter ophævelsen af nultolerance-politikken over for radioaktive mineraler. Fakkeloptoget begynder ved Inatsisartuts mødesal klokken 20.00. Arkivbilledet er fra et fakkeloptog i Nuuk i forbindelse med FN's dag, der fokuserer på vold mod kvinder

Uranimut atortussiassanillu radiop qinngorneranik ulorianartunik akulinnik piiaanissamik akuersaanngilluinnarnerup atorunnaarsinneqarnissaanik Naalakkersuisut tunngaviusumik aalajangiinissamik siunnersuutaannut pingasunngorpat unnukkut Nuummiut tapersersuinertik tamakkiisumik takutissinnaavaat.
Siumut Nuuk nalunaaruteqarpoq ikumatitalisaarluni ingerlaaqatigiinneq nalunaaqutaq 20.00 aallartissasoq Inatsisartut ataatsimiittarfiata saavanit.
Tamanna ingerlanniarneqarpoq sisamanngormat tunngaviusumik aalajangiivigisassatut siunnersuutip - taamalu aalajangiisuusumik suliarinnittumik - Inatsisartuni aappassaaneerneqarnissaa sioqqullugu.
Ullumi aamma akerliuniartoqassaaq
Soqutigisaqaqatigiiffiup ´Naamik qujaannarpunga´ pingasunngorpat ualikkut takutinniaqqinniarpaa soqutigisaqaqatigiinnik illersuisut uranimut atortussiassanullu allanut radiop qinngorneranik ulorianartunik akulinnut akuersaanngilluinnarnerup atorunnaarsinneqarnissaa akerlerigaat.
Soqutigisaqaqatigiit akerliuniarlutik ingerlaaqatigiissaaput nalunaaqutaq 16.30-miit, illoqannginnersami Amisumut Inatsisartut ataatsimiittarfiannut ingerlaaqatigiillutik.
Atuaruk "Uranimiut akerliussurtsimik takutitsineq alla"
Atuaruk "Uranimut akerliulluni atsiornerit tunniunneqassapput"

Powered by Labrador CMS