aatsitassat
Urani pillugu paasisitsiniaanissamut ulluliussat nutaat
Kujataani silarlunnera kingorna urani pillugu paasisitsiniaalluni ataatsimiisitsinissat qaqagumut kinguartinneqarnersut uani takukkit
Allaaserisaq 24.03.2015 nal. 15.56 nutarterneqarpoq
Urani pillugu Kujataani illoqarfinni pingasuni ataatsimiisitsinissat ullunik marlunnik kinguartinneqarput.
Nuup Narsarsuullu akornanni timmisartuussinissat ataasinngornermi silarlunnerata kingorna kinguartinneqareersullu, urani pillugu Kujataani paasisitsiniaanissat nutaamik ullulerneqarput.
Taama Namminersorlutik Oqartussat tusagassiuutinut nalunaaruteqarput.
Atuaruk: Urani pillugu Narsami paasisitsiniaanissaq unitsinneqartoq
Maannakkut innuttaasunik ataatsimiisitsinerit ukunani pissapput:
- Narsaq, ullumi marlunngornermi 24. marts
- Qaqortoq, pingasunngornermi 25. marts
- Nanortalik, sisamanngornermi 26. marts
Namminersorlutik Oqartussanit nalunaarutigineqareersutut innuttaasunik paasisitsiniaalluni ataatsimiisitsinerit, siorna urani pillugu paasisitsiniaanerit assigalugit, politikerinik peqataaffigineqassanngillat. Taarsiullugu oqalugiartussat tassaapput immikkut ilisimasaqarfimminni, geologiimi, avatangiisinik illersuinermi, aatsitassarsiornermi innuttaasunillu ilanngussuinermi ukiorpassuarni misilittagaqartutut ilisimatuut misilittagaqarluartut.
Atuaruk: Kujataani urani pillugu paasisitsiniaasoqalerpoq
Narsami Nanortalimmi ataatsimiitsinissat taamaatipput
Namminersorlutik Oqartussanit marlunngornermi ualikkut nalunaarutigineqarpoq Narsarsuarmiit Narsamut Nanortalimmullu saqqummiiartortussat marlunngornermi tikissinnaanngimmata, illoqarfinni taakkunani paasisitsiniaalluni ataatsimiisitsinissat unitsiinnarneqartut.