aatsitassarsiorneq
Urani pillugu oqallinneq: GME-p pisortaa ullumi chatikkut allaqatigineqarsinnaassaaq
Pisortap John Mairip Sermitsiaq.AG-mi atuartartut allaqatigissavai marlunngornermi nalunaaqutaq 15.00-mit
Greenland Minerals and Energy Ltd-mi pisortaq John Mair Nuummiippoq ulluni makkunani. Sermitsiaq.AG-p atuartartuisa apeqqutaannik akisaqarnissani soqutigisorujussuuaa.
Nutaarsiassaqartitsivimmi Sermitsiaq.AG-miissaaq nalunaaqutaq 15.00-mit. Tassani apeqqutigineqartunik allattassaaq.
Oqaatsit suulluunniit atorlugit apeqquteqarfigineqarsinnaavoq. Oqaatsit iluarinerusatit atorlugit taamaattumik apeqquteqarsinnaavutit. GME Greenlandimi sulisut John Mair nutseruttassavaat kalaallisut qallunaatullu.
John Mair Nuummi innuttaasunik ataatsimiititsinermi peqataavoq ataasinngormat, tassani innuttaasut aamma 80-t missaat peqataapput.
Narsap eqqaani Kuannersuarni uranitalinnik piiaanissaq pillugu Nunamineralsip pisortaa Ole Christiansen aamma saqqummiivoq. Tassani saqqummiuppaa qanoq Kalaallit Nunaat aatsitassarsiorfissuanngorsinnaanersoq. Aamma SIK-p siulittaasua Jess G. Berthelsen Kalaallit Nunaanni suliffinnik pilersitsisoqarnissap pingaaruteqassusaa pillugu aamma saqqummiivoq.
Kuannersuarni ilaasortami sulilersinnaanerat ilaatigut Jess G. Berthelsenip saqqummiuppaa.
John Mair nalunaaqutaq 15.00-mit 17.00-ip tungaanut apeqqarissaarfigineqarsinnaassaaq.