Nuuk
Urani pillugu ammasumik oqallinneq
Uranitalinnik piiaasoqarsinnaanera pillugu Nuummi oqallittoqaqqissaaq
Uranitalinnik piiaasoqarsinnaanera pillugu kulturikkut illorsuarmi Katuami Nuummi aqagu arfininngornermi oqallittoqassaaq.
Ammasumik oqallinneq taaguuserneqarsimavoq 'The Impacts of Uranium Mining in Greenland and the Rest of the World'. Aaqqissuisut tassaapput Avataq, Økologiske Råd, NOAH Friends of the Earth Danmark aammalu VedvarendeEnergi.
Oqaaseqartussat pingaarnerit tassapput Australiamit Helen Caldicott, Jan Willem Storm van Leeuwen Hollandimit kiisalu Aatsitassanik Suliassaqarfinnut Avatangiisinut Aqutsisoqarfimmit Søren Hald Møller.
Oqalliseqataasussat oqallisissaat tassaapput:
- Peqqinnissaq pillugu aammalu avatangiisit eqqarsaatigalugit illersorneqarsinnaasumik uranimik piiaasoqarsinnaanersoq. Ullumikkut nunat tamalaat akornanni misissuisartoqatigiit qulakkeersinnaavaat uranimik piiaanerup, suliareqqiinerup, aammalu avammut tunisassiornerup, inuit peqqinnissaat, avatangiisit illersorneqarnissaat aammalu nunarsuaq tamaat isigalugu illersorneqarsinnaasumik pisinnaanersoq?, oqallinnerup aallartinnginnerani apeqqutigineqarpoq. Oqallinneq Katuami nalunaaqutaq 13.00 aallartissaaq.