uran avissaartuuffiusoq
Uran – naalakkersuisooqatigiinni qaaratarsinnaasoq
Aatsitassat pillugit pilersaarutit nalorninartoqarneri SIK-p ernummatigaat
Siumup uranimik illersuisup Inuillu Ataqatigiit uranimut akerliusut kiisalu Partii Naleqqap akornanni naalakkersuisooqatigiilersut uranimik piiaanissamut apeqqut teqeqqumut isimmippaat.
Tamanna naalakkersuisooqatigiinnermut isumaqatigiissummi immikkoortumi allaqqavoq, illuatungeriit isumaqatiinnginniarlutik isumaqatigiittut.
Atuaruk: Naalakkersuisooqatigiilersut uranimut aalajangiinissaq kinguartippaat
Isumaqatigiissummi allaqqavoq, illuatungeriit 'isumaqatigiissutigaat apeqqut qaqinneqassasoq, tamanna siumut isigaluni ilaatigut uranimik akulinnik aammalu saffiugassanik qinngornilinnik piiaasoqarnissaa siunertaralugu qinnuteqaatit nutaat pisariaqartilerpassuk.'
Atuaruk: Urani pillugu taasisitsisoqarnissaa innuttaasut amerlanerussuteqartut kissatigaat
Nalornisitsisoq
Sulinermik inuussutissarsiuteqartut kattuffiani SIK-mi siulittaasup Jess G. Berthelsenip ernummatigaa naalakkersuisooqatigiit uran pillugu apeqqut pingaarutilik teqeqqumut isimmissimammassuk.
– Naalakkersuisooqatigiit taamatut oqariartuuteqarnerat pitsaanngilaq, Jess G. Berthelsen Sermitsiamut oqarpoq.
– Ernummatigaara aningaasaliiniartut Kalaallit Nunaanni aatsitassanut politikki nalornissutigissagaat ilisimanngikkunikku naalakkersuinermik suliallit ukiup affaa ukiorluunniit iluitsoq qaangiuppat qanoq aalajangiissanersut.
Atuaruk: IA siunnersuuteqarpoq: Illoqarfiit qanittuini uranisiortoqassanngilaq
Sulisitsisut aamma isornartorsiuisut
Uran pillugu politikkimi nalornineq Sulisitsisut aamma ernummatigaat.
– Arlaleriarujussuarluta siusinnerusukkut oqaatigisarparput oqaatigeqqissavarpullu pingaartuinnartuummat inuussutissar siornikkut patajaatsunik atugaqarnissaq, tamatumali paasinissaa naalakkersuinik kut ajornakusoorsimassaqaaq, Sulisitsisuni pisortaq Brian Buus Pedersen oqarpoq.
Atuaruk: Vittus: Atomip nukinga nukissiuut minguitsuuvoq
– Nalorninerup taamaattup suna kingunerisinnaavaa?
– Inatsisit atuuttut naalakkersuinikkullu nalunaajaatit malillugit suliffeqarfiit Kalaallit Nunaanni annertuumik aningaasaleereersimasut ersernerluttunik oqariartuuteqartoqartoq takugunikku nalornilissapput naalakkersuisooqatigiit isumaqatigiinnginnissartik isumaqatigiissutigalugu, Brian Buus Pedersen Sermitsiamut oqarpoq.
Uranimut tunngatillugu nalornineq Sermitsiami paasisaqarfigiuk: