aalisarnermi siuariarneq

Upernaviup nunaqarfiini pingasuni isumalluarnerulersut

Upernavimmi nunaqarfiinilu aalisarnerup iluani ukioq manna annertuumik siuariartoqarpoq. Ineriartorneq tamanna siorna aallartippoq

Nuussuaq, landanlæg, fiskefabrik, Upernavik Seafood, Royal Greenland
Nuussuaq, Upernaviup pigisaaniittoq. Asseq toqqorsivimmeersoq

Royal Greenland A/S-ip Upernavik Seafoodip Upernavimmi pigisaanilu tunisassiorfiutai tamaasa oktobarimi 2014-imi pigilermagilli piginnittunngortut naapertorlugit sumiiffimmi siuariartornerinnarmik pisoqarsimavoq.

Taama Royal Greenland ilisimatitsivoq.

2014-imi tunisassiorneq ukiumut siulianut sanilliullugu 200 tonsinik annertunerusimavoq, siuariartornerullu 2015-imi ingerlaannarnissaa naatsorsuutigineqarluni.

Nunaqarfiit pingasut immikkut siuariarfiusut

- Nunaqarfinni tamani Upernavimmilu tunisassiornerup annertuseriarnissaa naatsorsuutigaarput, pingaartumilli Nutaarmiuni, Tasiusami Innaarsunnilu, taakkua aalisarfimmut pingaarnermut aalisartunit "kuulteqarfimmik" taaneqartartumut qanittumiimmata, Upernavimmi suliffissuup pisortaa Flemming Andersen oqarpoq.

Pisassiissutit 1.500 tonsinik qaffanneqassapput, Royal Greenlandimilu suliffissuup pisortaa neriorsuivoq, aalisartunut tunitsiveqarnikkut periarfissat annertusineqassasut.

Allilerisoqalerpoq

Tusakkat naapertorlugit aalisakkerinermik suliffeqarfissuaq Namminersorlutik Oqartussanit pigineqartoq Upernavimmi pigisaanilu tunisassiorfinni arlalinni tunisassiorfinnik allilerinissamut qerititsivinnillu amerliliinissamut pilersaarusiorsimavoq.

Pissutsit 2014-imi allaanerulluinnarput tunisassiorfinnik matooraasoqarmat. Taakkua Royal Greenlandimit maanna pigineqalersimapput.

Atuaruk: Aalisarnermut Ataatsimiititaliaq tunisassiorfinnik matooraanernik ernummatiginnittoq (qallunaatut)

Powered by Labrador CMS