assit takukkit:
Upernavimmi marathonip affaa assoroorfiusoq
Upernavimmi marathonip affaanut arpannermi aqqut naalineqartariaqarsimavoq. Kisianni arpattut marluk tamanna aporfiginagu aqqut taanna atoqqillugu arpapput.
Upernavimmi sapaatiummat marathonip affaanut arpannissamut pilersaartoqaraluarpoq, naannerusumut 14 aanna 7 kilometerinut arpannissaq periarfissaalluni.
Kisianni arpattartut 15-it aallarnissamut piareeramik, arpaffissaq 5, 10 aamma 15 kilometerinut naalineqartariaqarsimasoq paasitinneqarput.
Mittarfeqarfiup mittarfia arpaffissap ilagineranut tamanna pissuteqarpoq, Mittarfeqarfiit arpattoqarnissaanut atorneqarsinnaanera akuerisimavaat, sapaatikkut timmisartoqarneq ajormat.
- Kisianni sapaatiummat timmisartumut atorneqartussaavoq, tamannalu akuerisariaqarparput, arpatsitsinermut aaqqissuisut Petrine Kleemann aamma Niels Voldbæk ilisimatitsipput.
Tamannali arpattut marluk aporfiginngilaat. Peter Karlsenip aamma Kirsten Olsvigip illoqarfimmi aqqut maniitsoq ilungersornartoq atorlugu sisamariarlutik kaajallappaat, taamaalillutik 21 kilometerinut arpallutik.
Arpattut tamarmik apuupput, Petrine Kleemannip aamma Niels Voldbækip arpatsitineq pisaqattaartalerumaartoq, illoqarfiit tamarmik imminut ataqqisut marathonip affaanut arpatsitsiffiusariaqarmata. Upernavimmi arpanneq sakkortunerit ilagigunarpaat.
Angusat allattorsimaffiat:
21 km: Peter Karlsen, 1:56:53; Kirsten Olsvig, 2:32:18.
15 km: Anne Katrine Kurtzhals, 1:27:59; Niels Voldbæk, 1:28:37; Julie Karlsen, 1:51:46; Sara Fontain, 1:57:29.10 km: Haldora Jensen, 1:27:58.
5 km: Nikolaj Jensen, 35:55; Petrine Kleemann, 36:04; Ida Pedersen, 38:12; Agathe Knudsen, 40:25; Uma K. Lennert, 51:38; Hansigne Ezekiassen, 51:43; Malene Hinrup, 1:12:36; Anine Mørch, 1:12:36