fiskeri
Upernavik Seafood isornartorsiuinermik akerlilersuisoq
Tulaassiviinnit qulingiluanit taamaallaat pingasut piffissami matumani tunitsiviusinnaanngillat, Upernavik Seafood Naalakkersuisumit Karl Lyberthimit isornartorsiorneqareerluni erseqqissaavoq
Aalisarfiulluarnerpaap nalaani tunitsiviit matoqqanerat pissutigalugit, aalisartut pisaminnik tunisisinnaannginnerannik oqarneq, Upernavik Seafoodimit ilisarineqanngilaq.
Sapaatip-akunnerata siuliani politikerit Karl Lyberth, Vittus Qujaukitsoq aamma Ole Dorph tamarmik Siumumeersut, Upernavimmut aqutsiveqarfianilu nunaqarfiit angalaarfigereerlugit isornartorsiut taamaattoq tusarliuppaat.
Karl Lyberth aamma Ole Dorpf angalanerup kingorna erseqqissaapput, aalisartut ingerlatsivimmit pitsaanerusumik pineqartariaqartut.
Taamatuttaaq Karl Lyberth Sermitsiamut tikkuaavoq, aalisartut tunisinissaminnut ullut arlallit utaqqisariaqartartut aamma tulaanneqarsinnaasut ikippallaartut, tikeraarnerup kingorna borgmesterip erseqqissaatigigaa, tunitsiviit ikittuinnaat taamaallaat ammasartut aalisartunit pisariaqartinneqarnerpaaffimmik nalaanni.
Allaaserisaq tamaat uani sapaatit akunnerani Sermitsiami atuaruk. Aviisi uani pisiarisinnaavat: