Saligaatsoq

Upernaami saliiffissanngulerpoq

Namminersortut aallarnigaat aamma A/S Inissiaatileqatigiiffik Ini upernaakkut saliinissamut piareersarput

Suliffeqarfiit inuillu nammineq peqataajumasut saliinermi peqataassapput

Avatangiisit mianerinissaannik suliniut Saligaatsoq upernaakkut saliinnisamut inuit ataasiakkat, suliffeqarfiit namminersortut kiisalu pisortat suliffeqafiutaat gumminik aaqqasersuuteriarlutik eqqagassat maanna aputip sermillu aanneranni saqqummerartut katersussallugit.

Saligaatsoq CSR Greenlandimit aamma suliniummik aallarniisumik Mads Lumholtimit aaqqissuunneqarpoq. Nuummi saliinersuaq junip pingajuat pissaaq Sisimiuni juunip tallimaat pissalluni. A/S Inissiaatileqatigiiffik Ini nuna tamakkerlugu juunip arfineq aappaanni aamma saliisitsiniarpoq.

Kommunet, namminersorlutik oqartussat, suliffeqarfiit namminersortut aamma Saligaatsoq suleqatigiinnissamut isumaqatigiissuteqarput. Tassani suleqatigiissutaassapput:

  • Avatangiisitsinnik sunniisarnitta qitiutinnissaa
  • Avatangiisitta ataatsimoorluta paarilluarnissaanik akisussaaqatigiinnissatta qitiutinnissaa
  • Inooriaatsitta avatangiisitsinnik sunniisarnera pillugu suliffeqarfiit, pisortat innuttaasullu isiginneriaasiannik sunniiniarnissaq
  • Ataatsimoorluta avatangiisitigut unammilligassatsinnut tunngatillugu inuit ataasiakkaat iliuuseqarnissaannik pitsanngorsaaneq

- Saligaatsoq – Avatangiiserik aqqutigalugu Namminersorlutik Oqartussat, Kommuneqarfik Sermersooq, Qeqqata Kommunia, suliffeqarfiit CSR Greenlandip ilaasortarisai suleqatigiillutik Nuummi ulloq 3. juni aamma Sisimiuni ulloq 5. juni saliititsiniarput. Taakkua saniatigut Inissiaatileqatigiiffik INI ulloq 7. juni nuna tamakkerlugu saliititsissaaq. Siuliani taaneqartut saniatigut illoqarfinni allani iliuuseqartitsisoqassaaq, siunertarpullu tassaavoq illoqarfiit nunaqarfiillu tamaasa peqataatinnissaat, CSR Greenlandimi suliniutinik aqutsisoq, Lotte Frank Kirkegaard, oqarpoq.

Nuannaarutigineqartut ilagaat inuit arlallit siorna asimi saliimmata. Taamassilluni ataatsimuualaarneq inuiaqatiginnullu sullissineq ataatsikkut ingerlanneqarlutik.

Saligaatsoq Facebookimi quppernermik pilersitsisimavoq sineriammi suliniut qanorlu angusaqartoqarnera tassani malittarineqarsinnaassalluni.

Powered by Labrador CMS