Politiit mianersoqqusipput:
Unnugu qummoroortarnaveersaarisi
Qummoroortarfiusuni anorlernerani ikuallatoqarlersinnaaneranik innarliisoqarsinnaaneranillu politiit mianersoqqusipput.
Taama anorlertigitillugu qummoroortartunik aallakaatitsinissaq ulorianarpallaaqaaq.
Taamaammat politiit upalungaarsimasullu anorlerpallaarpat qummoroortartoqarnissaraluanut taamaatitsiinnaqqusillutik kaammattuipput.
- Kitaani ukiutoqqap unnukkiartuani anoraasuarsuartut sakkortutigisumik anorlernissaa Kalaallit Nunaanni upalungaarsimasut Politiillu eqqumaffiginiaqquaat. Taamaattumik qummoroortartunik aallartitsinnginnermi eqqarsaqqaarnissaq kaammattuutigaarput, anorlerneranimi qummoroortartut tingitaasinnaapput ikuallatsitsilinngikkunik innarliillutik assigisaanilluunniit, politiit paasissutissiissutaanni allassimasvoq.
Asiaq.gl-p kisitsisaatai aallaavigalugit Nuummi anori 27 m/s angullugu sakkortussuseqarnissaa ilimasaarutaavoq, Aasianni 18,5 m/s-iusoq Paamiuni 20,7 m/s angullugu anorlernissaa ilimasaarutigineqarluni.