Tasiilaq
Unnuami arpatsitsinermi peqataasut aatsaat taama amerlatigisut
Maajimi peqqissuusamut aaqqissuussinermut atatillugu, Tunumi illoqarfimmi Tasiilami sapaatiummat unnuakkut arpattoqarpoq
Annonse
Ukioq manna aamma uani qaammammi nuna tamakkerlugu timersornernik aaqqissuussisoqarpoq.
Tasiilami sapaatiummat 'Maajimi Peqqissuusamut' atatillugu unnuami arpattoqarpoq, aatsaat taama amerlatigisunit peqataaffigineqartumik.
Nuannisarrattut
Tasiilarmiut 369-it sapaammi maajip 15-ani nal. 23.59 aallartittussamut piareerput, illoqarfik kaajallallugu 3, 7 kilometerimut peqataasut amerlassusiisa arpanneq nuannernerusunngortippaa.
- Arpanneq ukioq manna iluatserujussuarpoq. Peqataasut illoqarfiup innuttaasa 17 procenterluinnarai, unnuallu qaamanerata arpanneq nuannersorsuanngortippaa, sunngiffimmi inspektør, Lydia Mathiassen, Sermersuup nittartagaa najoqqutaralugu oqarpoq.