Unnerluutigineqartup DNA-va Birnap skuuaniittoq

Unnerluutigineqartup T-p biili aappalaartoq KIA attartorsimasaani aak peerniarneqarsimangaluarpoq. Iluatitsffiunngitsumillu. Iceland Monitor allappoq.

Politiit biili toraaramikku ingerlaannarlutik takusinnaasimavaat tunuani issiavik aanginnaasoq. Kingornalu misissueqqissaarnerup takutippaa biilip annertunersaa aanginnaviusoq. Tassa tunuani issiaviit, biilip qilaani, seqinermut assiaqummi aammalu matumi.

Aak Birna Brjánsdóttiriminngaanneersoq DNA-mik misissuinerit takutippaat. Taamalu annertutigisumik biilimi aaqarnera taassuma kiinnamigut sakkortuumik marloriarluni tillutsinneranit takussutissaapput.

Takussutissallu allat marluk, inuttaaqataasup allap, N-ip biilimeeqataasimaneranit, T-mut pasinninnerulersitsipput.

Siullertut T-ip DNA-va Birna Brjánsdóttirip skuuaniippoq, taannalu Polar Nanup talinngaffigisaata ungasinngisaani umiarsualivimmi nassaarineqarsimavoq.

Birna Brjánsdóttirip aavata ilaa annoraami, kilisaammi inuttaaqataasup allap biilip tunuanut qimassimasaa, nassaarineqarsimavoq. T-ip annoraaq pineqartumut utertinnerani oqaluttuussimavaa, arnaq annoraamut meriarsimammat errortariaqassasoq.

Annoraarlu errorneqareeraluartoq politiit aammik nassaarfigisimavaat.

EQQARTUUSSINEQ PILLUGU AAMMA ATUAKKIT:

Unnerluutigineqartoq ullumi eqqartuussivimmi najuutinngilaq

Unnerluutigineqartup nassuiaateqarnera takunnissimasut akerlilerpaa

Unnerluutigineqartoq: - Birnamut annersitsisimanissara eqqarsaatigineqarsinnaanngilaq

Inuttap allap Birna ilagisimagaa unnerluussaasup oqaatigaa