Unnerluutigineqartoq: - Birnamut annersitsisimanissara eqqarsaatigineqarsinnaanngilaq

30-nik ukiulik Birna Bjránsdóttirimut toqutsisimasutut unnerluutigineqartoq nassuiaateqarnermi kingorna illersuisuminit Páll Rúnar Kristjánssonimit killisiorneqarpoq.

Iceland Monitor naapertorlugu, taassuma Birna arlaatigut ajortumeersimaneraa illersuisup apeqqutigaa.

- Naamik

Allap taamaaliornerani ikiorpiuk?

- Naamik.

Annersippiuk?

- Naamik.

Toqqusassippiuk?

- Naamik.

Arlaatigut eqqamasinnaanngisannik taamaaliorsimasinnaavit?

- Naamik

Nassuiaateqarnini sooq allanngortissimaneraa apeqqutigineqarmat, akivoq.

- Immikkoortitaallunga paarnaarussivimmiippunga. Politiit paarnaarussivimmi ininnut iserlutik nilliavigerujussuartarpaannga. Ilaquttakka aapparaluunniit attaveqarfigisinnaasimanngilakka, susoqarnersorluunniit ilisimanagu. Immikkoortitsivimmiit anilakkama attaveqarfigisinnaalerakkit eqqissisimavunga, qanorli pisoqarsimanera oqaluttuarisinnaalerlugu. Timera eqqarsataaseralu eqqisseriarmata qanoq pisoqarsimanera eqqaamanerusinnaalersimavara.

Birnap biilimik ingerlatsisinnaanermut uppernarsaataa attorsimaneraa apeqqutigineqarmat, takunikuunngisaannarlugu oqaatigaa. Naalatsornikkut attorsimanerlugu ilisimanngilaa. Atisanik eqqaasimanersoq apeqqutigineqarmat, eqqaasimannginnerarluni akissutigaa.

Imigassartorsimanermi kingunerisaanik eqqaamasai killeqalersimanersut apeqqutigineqarpat, angerluni akissuteqarpoq. Imigassartorsimatillunilu biilimik ingerlatsillattaasarnini nassuerutigaa.

LÆS OGSÅ:

Unnerluutigineqartup nassuiaateqarnera takunnissimasut akerlilerpaa

Inuttap allap Birna ilagisimagaa unnerluussaasup oqaatigaa