toqutsineq

Unnerluussut: Peter Madsenip Kim Wall toqunnginnerani naalliutseqqaarpaa

Peter Madsenip unnerluunneqarneranut allakkap takutippaa, Kim Wall toqunneqannginnermini naalliutsineqarsimasoq unnerluussisut isumaqartut.

Kim Wall aggustimi toqunneqannginnermini, toqutsisimasutut unnerluutigineqartup Peter Madsenip svenskeq tusagassiortoq naalliutseqqaarpaa.

Unnerluussisussatitaasut taama isumaqarput, tamanna aqqartartuliortartumut allakkami unnerluussummi tamanna atuarneqarsinnaavoq.

Unnerluussisussaatitaasut januaarip 16-anni Peter Madsenimut unnerluussuteqarput. Unnerluussisussaatitaasut toqutsineq pilersaarusiukkatut aamma piareersakkatut pinerluutaasoq isigigaat, tassani saqqummiunneqarpoq.

Peter Madsen sakkussarpassuaminik aqqartartumut nassarsimasoq, allakkami unnerluussummi aamma atuarneqarsinnaavoq. Unnerluussisup oqaasia naapertorlugu toqutsisutut unnerluunneqartoq pilattuummik, savimmik, aamma qinneriaatinik inngigissakkanik, qilerutinik ruujorinillu nassarpoq.

Unnerluussut naapertorlugu sakkut Kim Wallip niaquata nalaatigut, taliatigut niuatigullu aalajangiinermut atorsimavai. Aammattaaq annersarlugu kapoorlugu kilertiterlugulu naalliutsissimavaa. Kingornalu toqullugu, unnerluussut taama oqaasertaqarpoq.

Aqqartartuliortartup toqutsisutut unnerluutigineqartup svenskeq tusagassiortoq toqussimaneranut aallaqqaataaniilli pinngitsuunerarpoq.

Siullermik niaqqumigut matumik oqimaatsumik eqqorneqarnermini toqusimasoq nassuiarpaa. Kingusinnerusukkullu aqqartartumi kuliltemik ipilluni toqusimanerarpaa.

Taassuma illersuisuata, Betina Hald Engmarkip, unnerluussisoqarneranut atatillugu Peter Madsenip suliamik tigusinera allannguuteqanngitsoq ilisimatitsivoq.

Peter Madsenimut eqqartuussineq marsip 8-aanni Københavns Byretimi pissaaq.

Powered by Labrador CMS