Ikuallannerit

Unnerluussisussaatitaasut: Ikuallatsitsisoq nammineq filmiliorsimavoq

Nuummi politiit piumasaraat arnaq ukioq ataaseq pineqaatissinneqassasoq Nuummi inissiarsuarmik ikuallatsitsisimasutut

Branden forårsagede en meget kraftig røgudvikling, som det kan ses på dette billede.

Arnaq Nuummi politiinit suli tigummigallarneqarpoq Nuup ilaani Qinngutsinni siorna januarip 29-ani inissiarsuarmik ikuallatsitsisimasutut unnerluunneqarluni. AG aviisi taama allappoq.

Nassuersimanersoq nalunartoq

Unnerluussisussaatitaasut piumasaraat arnaq pinerluuteqarsimasunut inissiisarfimmi ukioq ataaseq inissinneqassasoq. Taamaattoq politiit illersuisullu maannakkuugallartoq oqaatigisinnaanngilaat arnap ikuallatsitsineq nassuerutigisimaneraa. Tamanna Sermersuup eqqartuussiviata sapaatip akunnera tulleq isummerfigissavaa.

Unnerluussut AG-p pissarsiarisimasaa malillugu ikuallattoqarnerani inuit arlallit inuunerat ulorianartorsiortinneqarpoq – arnaq ikuallatsitsisutut unnerluutigineqartoq ilanngullugu. Aqqusinermi Unaami inissiarsuarmi najugallit ikuallannerup kinguneranik allamut inissikkallarneqarput ikuallattoqarneranilu putsumit innermillu aseruatitikkat annertupput. Inissiarsuarmi aamma kissarnerujussuaq pilermat tassani isersimasut inuunerat navianartorsiortitaaleraluarpoq.

Qipik ikuallatsinneqartoq

Politiit unnerluussummi aamma allapput unnerluutigineqartoq ineeqqamut allamut iseriarluni natermut nallarsimasoq tassaniitillunilu videolerlugu takunnittumut sianersimalluni tunuatungaanilu inneq takutsiarneqarsinnaasimavoq. Unnerluussut naapertorlugu inissiarsuup majuartarfianiittoq najugaqartut ilaata ikiorlugu silamut aneqatigisimavaa.

Ikuallanneq pillugu allaaserisaq AG aviisimi tamakkerlugu atuaruk. Aviisi uani pisiassaavoq:

Powered by Labrador CMS