Uniinnartitsinerit pakatsinernik aningaasartuutinillu kinguneqartarpoq

Uniinnarpoq.

Greenland Express Air timmisartuussinissanik arlaqartunik unititsiinnarpoq arlaleriarluni. Timmisartunik uniinnartitsinerni timmisartuutileqatigiiffimmut akisusartoq Gert Braskip aasap ingerlanerani oqaatigereerpaa.

Timmisartut uniinnartut amerlanerisa kingunerisaanik ilaasorineqartartut ikiliartorput. Ilaasorineqartussaagaluimmi timmisartut uniinnaraangata pakatsisarput. Greenland Express Airip Facebookimi quppernerani pakatsisimaartut amerlapput. Tamakku ilagaat Jennifer Wellins, taanna facebookimut aggustip tallimaani ilaatigut ima allappoq. 'Sooq timmisartuussinissat uniinnarnersut nalunaartoqanngilaq, taannalu pingajussaa misigaarput. Tatiginartumik sullissinissarsi naatsorsuutigigaluarparput, susoqartoruna? Oqarasuaatitigut sumut saaffiginnissinnaavugut? Sianeraluaraangatta tiguneqarneq ajorpoq'

Greenland Express Airip Facebookimi quppernerani sivikitsumik taanna ikkoqqavoq, sivitsunngitsorli peerneqarluni. Timmisartuutileqatigiiffimmut nersualaarisut ikkusimatinneqaannartarput.

Tatiginninnginneq
Gert Braskip oqaaseqaatigisartagaanut arlaqarput paasinnissinnaanngitsut. Aningaasaatiminnik utertitserusuttut Sermitsiaq.AG-ip oqaloqatigisareerpai.

Aningaasaatiminnik utertitserusuttut ilaat ima nassuiaavoq:' Aggustip 16-ani angalanissarput unitsiinnarneqareerpoq. Arlaannik qanoq iliuusissamik siunnersuuteqartoqanngilaq. Taamaattumik aningaasaatikka utertinneqarnissaanik piumasaqaateqarnikuuvunga.'

- Air Greenlandi atorlugu angalanissara nuutsikkakku annertunerusumik aningaasartuuteqartariaqalerpunga. Greenland Express Airimut angalanissannut katersakka taamaalillutik atorsinnaajunnaarpakka.

Siunissamili Greenland Express Airimut angalanissani ammaffigaa.

Sermitsiaq.AG-ip arnaq oqaloqataa aterminik isertuussivoq, aaqissuisoqarfimmiilli kinaanersoq ilisimaneqarpoq.