inissiisarfiit
Ungerutissiaq kapinartulik Nuummi peerneqartoq
Inatsisinik atuutsitsinermut ministerip Kalaallit Nunaanni illoqarfinni anginerni pingasuni politiinit tigummineqartunut isertitsiveqalernissaa neriorsuutigaa. Taamaalillutik inissiisarfiit ammanerulissapput, pineqaatissinneqarsimasullu parnaarussivittut matoqqasuni pineqaatissiissumminnik ingerlatsinissaannut taarsiullugu
Nuummi, Sisimiuni Ilulissanilu pineqaatissinneqarsimasut ammanerusunik atugaqalissapput Pinerluttunik Isumaginnittut Naalakkersuisut inissiisarfinnik ammanerusunik aamma qulakkeerisoqarnissaanik piumasaqaataat tusaaniarsimallugu.
AG taama allappoq.
Tamanna Folketingimi inatsiseqarnermut ataatsimiititaliamut Inatsisinik atuutsitsinermut ministerimit akissummi allassimavoq, tassani Pinerluttunik Isumaginnittut neriorsuutigalugu tigummineqartut eqqartuunneqarnissaminnik utaqqisut tigummigallarneqartarfissaannik pilersitsinissartik neriorsuutigalugu.
Maannamut pineqaatissinneqarsimasut nalinginnaasut najogaqatigisarpaat taamaalilluni »tamanut naleqqussakkamik« aaqqiisoqarluni. Matut parnaarneqarsimasut, kapinartulimmik ungaruteqarneq, piumasaminnik angalaarsinnaanatik imaluunniit internet atorsinnaanagu soorlu aamma inuiaqatigiit sinnerinut attaveqarsinnaanerat killilerneqarluni.
Taamaalillutik pineqaatissinneqarsimasut nalinginnaasut pineqaatissinneqarnerminniit matoqqanerusunik pineqaatissiissumminnik ingerlatsisarput. Tamannali taamaatittussanngorpoq, inatsisinik atuutsitsinermut ministerip Søren Pape Poulsenip Pinerluttunik Isumaginnittunit akissutissamik noqqaasimasup akissutaani akissutigineqarpoq.
- Aalajangerneqarpoq Kalaallit Nunaanni tigummigallarneqartussanut immikkoortunik pingasunik nutaanik pilersitsisoqassasoq. Tigummigallagassanut immikkoortut Nuummi inissiisarfissami matoqqasumi kiisalu Ilulissani Sisimiunilu inissiisarfinni pilersinneqassapput, Pinerluttunik Isumaginnittut pisortaqarfianit nalunaarutigineqarpoq.
Pissutsit nutaat pillugit AG-mi paasisaqarnerugit: