isumannaassuseq
Ungerutissiaq kapinartulik matullu parnaarsimasut
Nuummi pineqaatissinneqarsimasunut inissiisarfimmi pisortap nassuerutigaa Pinerluttunik Isumaginnittut inissinneqartut qanoq kiffaanngissuseqartiginissaat pillugu nammineq kissaataannut naapertuutinngitsoq. Inissinneqartulli sakkortunerpaanik pinerluuteqatsimasut qimagutsinnagit isumaqanngilaq tamatumuuna qasukkaasoqarsinnaasoq
Nuummi pineqaatissinneqarsimasunut inissiisarfiup tunuani pisortap Carsten Brødsgaardip ungerutissiat kapinartullit NATO-mi atorneqartut Pinerluttunik Isumaginnittunit allakkiaq malillugu ima alutornartigisumik allaaserineqarsimasut ”unngiaatit saviisut ipitsigisunik kapinartullit aqqusaariniartunillu aqqunassutaasinnaasutut suliaasut” ikkussimavai.
Atuaruk: Pinerluttunik Isumaginnittoqarfiup matoqqaneq ajornartorsiutaanerpaa
Ungerutissiat kapinartullit, unnuami matut parnaarsimasut ilimanartumillu aamma immiussissutit atorlugit nakkutilliineq pineqaatissinneqarsimasunut inissiisarfinnik ammasunik ingerlatsinissami siunertanut naapertuutinngillat. Ilami pineqaatissinneqarsimasut nalinginnaasut pissutsit ammasuunerujussuunissaannik inatsisitigut pisinnaatitaaffeqarsimassapput.
Atuaruk: Inatsisitigut isumannaassusermut soqutiginninneq annertooq
Isertitat allat
Taamaakkaluartoq Carsten Brødsgaard isumaqanngilaq allatut iliorsinnaalluni. Siusinnerusukkummi inissiisarfiit taamaallaat pineqaatissinneqarsimasunut naatsorsuussaapput, ullumikkulli tigummineqartussanik pineqaatissineqarsimasut marluupput, taakkulu ”immikkut ittumik navianaateqartutut” nalilerneqarsimapput, tamakkiisumillu 53-iusunit 22-it tigummigallarneqartussatut taaneqartarlutik.
Atuaruk: Inatsisinut ministeri Sarap oqaloqatiginiaraa
Tigummineqartussat tigummigallarneqartussalluunniit pillugit suliani politiit paasiniaaneranni ingalassimatinneqartussat piumasaminnik angalaarsinnaanngillat.
Ajornartorsiut pillugu AG pitsaasumik eqqartuivoq. Aviisi uani pisiariuk: