tunniussineq
UNESCO-p nunarsuarmioqatigiit kingornussassaannut allattorsimaffiannut uppernarsaat Kommune Kujallermit tiguneqarpoq
Kultureqarnermut Naalakkersuisup Doris J. Jensenip ullumi pingasunngornermi UNESCO-p nunarsuarmioqatigiit kingornussassaannut allattorsimaffiannut uppernarsaat Kommune Kujallermi borgmesterimut Kiista P. Isaksenimut Qaqortup ataatsimiittarfiani tunniuppaa.
Juulip qulaaluaani 2017-imi Kujataa, tassa nunat immikkoortut tallimaasut Kalaallit Nunaata kujataaniittut UNESCO-p nunarsuarmioqatigiit kingornussassaannut allattorsimaffianut ilanngunneqarpoq. Nunat immikkoortortai tallimaasut tassaapput: Qassiarsuk, Igaliku, Sissarluttoq, Tasikuluulik aamma Qaqortukulooq-Upernaviarsuk.
Aamma atuaruk: Aalibap Kujataani nunarsuarmi eriagisassatut ilanngunneqarsimasoq ingerlatissavaa
Uppernarsaat maanna Kommune Kujallermi borgmesterimut tunniunneqarsimalerpoq. Tamanna pivoq kommunip ataatsimiittarfiani kommunalbestyrelsimut ilaasortat Namminersorlutillu Oqartussanit sinniisut najuunneranni.
- Kujataani nunalerinermut piorsarsimassutsimullu tunngasunik nunanik asseqanngitsuuneri naqissuserneqarput UNESCO-mut qinnuteqarniarnermi suliaqarneq naggataagut pikkunarsimavoq. Inuit suleqatigisallu assigiinngitsut naammassiniaanermi nukippassuatik atorsimavaat. Inernerami tanngassimaarutigilluarsinnaaqaarput, Doris J. Jensen tusagassiuutinut nalunaarut naapertorlugu oqarpoq.
Aamma atuaruk: Kiista: - Nuannaaqaagut!