Island Games

Unammisartut Jerseymut aqagu aallassapput

Island Gamesimi peqataasussat Jerseymut pingasunngorpat aallassapput

Kalaallit Nunaannit Island Gamesimut peqataasussat Jerseymukarlutik aqagu pingasunngornermi aallassapput.

Timersuutit uku kalaallinit peqataaffigineqassapput: nerrivimmi arsaararneq, isikkamik arsaanneq, sulorarneq, triatlon golfilu. Angalasussat katillugit 75-iupput.

Kalaallit Nunaanni timersortartut Kattuffiat tusagassiutinut nalunaarummi nalunaaruteqarpoq.

- Sila Bermudamiinnitsinnit pitsaanerussaaq kiannginnerussalluni, GIF-imit Lauritz Heilmann tusagassiutinut nalunaarummi allappoq.

Unammisartut Danmarkimi sungiusaqatigiissimasut nalunaarutigineqarpoq. Isikkamik arsaattartut Fynimiipput, sulorartartut Aarhusimiipput kiisalu nerrivimmi arsaarartartut Tjelemiillutik.

Unammersuaarneq arfininngorpat aallartissaaq, juulip pingajuata tungaanut ingerlassalluni.

Powered by Labrador CMS