Pernille ujartuivoq
Una sumi assilisaava?
NUTARTERINEQ: Ilulissani assilisaavoq
Peqqissaasoq Pernille Stendal Sermitsiaq.AG-mut ikiorneqarnissani neriuutigalugu saaffiginnippoq.
Suliartorluni Kalaallit Nunaaliangajalerpoq taamaalillunilu aatami tumai atuassallugit.
Ujarak allannilik
Taanna nalunaarasuartaaserisutut 1970-ikkunni piffissat ilaanni suliartortarsimavoq, taamanilu qulaani takutinneqartumik assilisilluni, tassanilu angut takisuumik kavaajalik ujaqqamut 'Beatles'-imik allannilimmut iigarsimasoq assilineqarsimalluni.
Nuuttussap aatami taamani sumi assilisissimanera paaseruppaa.
Akissut tusarusukkaa
- Aatama assinga nassaaraara, maannalu februaarimi Kalaallit Nunaaliaqqittussanngorama paaserusulerpara aaqqissuisoqarfiup imaluunniit atuartartut ilaata oqaluttuussinnaaneraanga ujarak taanna sumiinnersoq sumiissimanersorluunniit, Pernille Stendal aperivoq.
Atuartartut arlallit oqaaseqaatini akissuteqarlutik allapput, Ilulissat avatinnguanni Holms Bakkep tungaanut aqqusineeqqamiissimassasoq.
Aron Emil Petersen illoqarfimmi najugaqartoq allappoq, ujarak suli iniminiittoq, Beatlesimilli allanneq ersikkunnaarsimasoq.