upernaleqaaq
Umitsiarfik aallarteqqilerpoq
Upernariartulermat umiatsiamik angalaarneq aallarteqqingajalerpoq
Nuummi angallatinut nuannaariutinut puttasut arlallit maanna aqqarneqareerput. Taamaattoq umiatsiarpassuit tulassinnaalersinissaminnut utaqqigallartariaqassapput.
Iggiaani puttasut suli atorneqarsinnaalinngikkallarput naak arlallit imaanut aqqarneqareeraluartut.
- Neriuppugut påskertinnagu piareersinnaajumaarluta. Puttasulli atorsinnaalernissaat sioqqullugu suli piareersagassarpassuaqarpoq, Nuummi umiatsiaatillit peqatigiiffiannit Poul Krohn ilisimatitsivoq.
Iggiaata qinngua tungaa suli sikoqarpoq puttaallu angisuut peerneqaqqaartussaallutik. Silalli pueqqornera pissutigalugu siku arriitsuinnarmik aakkiartoropoq taamalu suli utaqqigallarneqartariaqassalluni puttasut inigisakkaminnut inissineqarnissaat.