umimmaat
Umimmannik neriuuteqarneq nunguvoq
Siumumeersup Jess Svanep Qeqertarsuarmi umimmaqalernissamik takorluugaa nunguvoq.
Aalisarnermut piniarnermut naalakkersuisup, Karl-Kristian Krusep akissuteqaataani allaqqavoq, kommunip Qeqertarsuup nunataanut 1993-imi umimmaliisoqarsinnaanera misissorsimagaa.
Ivikkat nassaassaanngitsut
Naasoqassutsimik misissuisoqarpoq, tassanilu ajoraluartumik paasineqarpoq, ivigaq aalajangersimasoq latiinerisut Kobresiamik taaguuteqartoq qeqertami nassaassaanngilaq.
- Qeqertarsuaq umimmalissallugu piukkunnanngitsoq nalunaarusiaml inemiliinermi oqaatigineqarpoq. lIaatlgut pissutigalugu ivikkat aalajangersimasut Qeqertarsuarmi nassaassanngimmata, Karl-Kristian Kruse akissummi Jess Svanemut ilisimatitsivoq.
Umimmaliisoqassagaluarpat Naalakkersuisut aamma kommunimut pineqartumut pisussaaffippassuaqalersitsissaaq:
- Naasoqassutsimut misissuineq
- Umimmannut qassinut ivigartorfiusinnaanerat
- Aqutsinissamik pilersaarusiornissaq
- Pinngortitamut kingunissanik misissuineq
- Uumasut nakorsaat umimmaliinermi peqataassaaq
- Umimmaliinissamut pilersaarut akuerineqassaaq
Kommuni akiliissaaq
Umimmaliinermullu atatillugu kommuni aningaasartuutinut, umimmaat kisinneqarnerinut pisarineqartullu nakkutigineqarnerinut akiliissalluni, naalakkersuisoqarfik ilisimatitsivoq.