Qaqortoq
Umiatsiat Qaqortup eqqaani aportut - tallimat annaanneqarput
Umiatsiaq sukkasuuliaq umiatsiaararlu Qaqortup Narsallu akornanni tallimanngornermi ullaakkut aporput. Umiatsiap aappaa kivivoq. Ilaasut tallimat annaanneqarput
Annonse
Umiatsiat marluk, aappaa sukkasuuliaaq aappaalu umiatsiaaraq, tamarmik Narsamiit Qaqortumut ingerlaartillutik tallimanngormat ullaakkut imminnut aporput.
Taama Kujataani politiit pisortaat Bent Ole Kleist Sermitsiaq.AG-mut ilisimatitsivoq.
Umiatsiat aporneranni aappaa kivivoq issimasullu tallimat umiatsiap aappaanit annaanneqarput Qaqortumullu apuunneqarlutik, taama aamma Bent Ole ilisimatitsivoq.
Tamatuma saniatigut Qaqortumi upalungaarsimasutut sillimasut sillimaniarnertik aallartillugu umiatsiani taakkunani ilaasut tamaasa ilaqutariit illuanni oqaloqatigineqarnissaannut neqeroorfigisimavaat.