Umiatsiarlutik ajunaartut: Kommunimi politikkeri ilisimaneqartoq ajunaarpoq

Fredericiap kommuniani sinniisaasimasoq Ilulissat avannaanni Appani umiatsiarlutik ajunaartut ilagaat.

Fredericia Dagblad allappoq.

Inger Davidsen Socialdemokraatini Fredericiap kommuniani ukiorpassuarni sinniisaavoq. Uia Ole Davidsen aamma ajunaaqataavoq.

70-nik ukioqartoq Inger Davidsenip Fredericiap illoqarfittut ikinngutaa Ilulissat meerartaannik sulissuteqarluarsimavoq.

Aappariit Aarhusimeersut aamma ajunaaqataapput.

Angut umiatsimik piginnittoq politiinit ujarneqassaaq, umiatsiaq Nord Star 26 aamma ujaarineqassalluni. Politiit nalunaarutigaat umiatsiartut Saqqamit Ilulissanukarlutik ajunaarsimasut.