Ilulissat
Umiatsiarlutik ajunaartut: Aappariit marluk ajunaarput - umiatsiartoq suli ujaarineqarpoq
Appat eqqaanni ajunaartut sisamat kinaassuersineqarput. Aappariit Fredericiameerput aamma Aarhusimeersuupput
Ajunaartut kikkuunersut misissuisoqarnerani ajunaartut marluk kikkuunersut paasineqarpoq. Umiatsiamik Ilulissat avannaata tungaani Appat eqqaanni timaat marlunngormat nassaarineqarput. Paasineqarpoq aappariit Fredericiameersuusut aappaallu Aarhusimeersuussut.
- Ajunaartunut ilaqutaasut Østjyllands Politivinit nalunaarfigineqarput, politimesterip tullersortaa Morten Nielsen Sermitsiaq.AG-mut oqarpoq.
Ajunaartut nassaarineqartut tamarmik 70-it missaannik ukioqarput.
- Ajoraluartumik umiatsimik aquttoq suli nassaarinngilarput (angut kalaaleq) aamma umiatsiaq suli nassaarineqanngilaq, umiatsiaq Nord Star 26-iuvoq 26 fodsiulluni ineerartaqarlunilu, Morten Nielsen ilisimatitsivoq.
- Maannakkut misissuivugut qanoq iliuuseqaqqissanerluta. Qanoq una pillugu suleriaaseqaqqissanerluta oqaatigisinnaanngilara, Morten Nielsen oqarpoq.
Ajunaartut timaat Appani nassaarineqarput. Ilulissani politiit Aasiaat Radioanit marlunngornermi nalunaaqutaq 20.21 nalunaarfigineqarput ajunaalernermik nalunaarummik kalerrisaarisoqartoq. Politiit erngerlutik ujaasineq aallartippaat. Qulimiguulimmik, angallatinik umiatsianillu ujaasisoqarluni.
Politiit angummik ujaasinertik ullumi nangissavaat kiisalu umiatsiaq aamma ujaarineqassalluni. Politiit nalunaarutigaat umiatsiaq Saqqamit Ilulissaliaanneqartut oqaatigineqarpoq, aappariillu marluk tassani ilaasorineqarput.