Sisimiut
Umiatsianik tillittut kikkuunersut Sisimiuni politiit paasigaat
Sisimiuni politiit innuttaasunit ikiorneqarnermi kingorna umiatsianik tillittut kikkuunersut paasivaat
Sisimiuni politiit inuusuttut sisamat 15-init 17-nut ukiullit umiatsianik tillissimasutut pasivaat. Amerlumi illuaqqanik serlersaarisimasutut aamma pasineqarput.
Umiatsianik pingasunngormat tillittoqarpoq, umiatsiaaqqat marluk tillinneqarlutik. Sisimiut eqqaanni qeqertami nunaqarfimmilu Itillermi umiatsiat nassaarineqarput.
Orsussamik tillinneq
Sisimiuni politiit Sermitsiaq.AG aqqutigalugu innuttaasunit ikioqqupput.
- Inuit arlaqartut misissuinitsinni ikiuipput. Paasissutissat kingulliit tunngavigalugit inuusuttuaqqat 15-init 17-inut ukiullit killisiorpagut, taakkulu umiatsianik tillissimasutut pasineqarput, Qeqqani politikommisæri Karl Jørgen Lennert Sermitsiaq.AG-mut oqarpoq.
Aamma allanut tunngasunik inuusuttuaqqat pasineqarput.
- Umiatsiani orsussanik tillissimasutut Amerlumilu illuaqqanik serlersaarisimasutut pasineqarput, Karl Jørgen Lennert oqarpoq.
Politiit suli pisunut misissuipput, eqqartuussisoqarumaarporlu.