umiatsiat
Umiatsialiortut umiatsialiorfiutiminik alliliisinnaanngitsoq
Ukioq ataaseq sinnerlugu umitsialiortoq Allan Larsen nunaminertamik umiatsialiorfimmi eqqaaniittumik tigusinissaminik sulissutiginnippoq. Maannakkulli itigartinneqarpoq. Tamatuma malitsigisaanik umitsialiorfinni Godthåb Båd og Glasfiberservicemi tunisassiornerit suliffiillu nunanut allanut nuunneqartariaqalersinnaapput
Kalaallit Nunaanni illoqarfinni umiatsialiortutuat ilaata Allan Larsenip, Godthåb Båd og Glasfiberservicemeerssup, umitsialiorfimmi sulisut marloriaataannik amerliliiffigisinnaanngorlugu umiatsialiorfimmi alliliinissaminut Kommuneqarfik Sermersuumi qanoq iliuuseqartoqaqqikkumannginnera uggoraa. Naggataatigut umiatsialiorluni niuertarnini Polenimut nuuttariaqalersinnaavaa, soorlu umiatsialiortut allat aamma taamaaliorsimasut.
Inissaqartitsivaallaanngitsoq
– Nalinginnaasumik niuertarfik ingerlalluarpoq. Umiatsialiortarpugut aamma piumaneqartuaannarput. Kiisanni inissaqartitsivallaannginnama aqquserngup illua ́ tungaani nunaminertap, maannakkut umiatsianik aqqanilinnik inaalitsiviusoq, uannut atugassiissutigineqarnissaa neriuutigisimagaluarpara. Kisianni umiatsiaatileqatigiit, Bådeforeningen, nunaminertamik atuisussaatitaasut nunaminertamik taassuminnga utertsiumannginnerat tunngavilersuutigalugu kommunimit itigartinneqarpugut aamma nunaminertaq kommunimit tiguneqarsinnaanngilaq. Nunaminertap umiatsianik inaalitsivittut atorneqarnissaa niuertarfiutinnit pingaarnerutissimagunarpaat, Allan Larsen oqarpoq. Taassuma nunaminertaq pineqartoq umiatsianut naammasseriikkanut avannaani aalisarfeqarfinnut nassiunneqarnissamik tungaanut inaalisimatitsivittut atorusukkaluarpaa.
Ukiut 36-it matuma siorna Allan Larsenip Godthåb Båd og Glasfiberservice Insepektørbakkenimi illumi saniani quimi pilersippaa. Kingusinnerusukkut Entreprenørdalenimut nuuppoq, tassanilu umiatsiat Nuumit siulliit umiatsiaaqqallu kalittakkat fodinik qulinik takissusillit sananeqartalerput. Kingusinnerusukkut umiatsialiorfik maannakkut inissisimaffigisaanut Iggiaa 1-imut nuutsinneqarpoq.
Allaaserisaq Sermitsiaq aviisimi tamakkerlugu atuaruk, aviisi digitaliusoq uani pisiarisinnaavat: