Angallatit Pocat
Umiatsiaararsortut suliffeqarfissuaq nuannarilluagaat ikuallalluni nunguttoq
Danskit glasfiberiliornermut suliffeqarfissuat, Pocanik umiatsaaraliortartoq ippassaq ikuallappoq
Kalaallit Nunaanni umiatsiaaqqanik 3.000-nit amerlanerusunit piginnittut pisiortorfigiuagartik ikuallattoq takuaat.
Glasfiberinut fabrikki Hedenstedimiittoq pujuliortorujussuulluni ikuallannerarlugu, Sydøstjyllandimi politiit Danmarkip nalunaaqutaa malillugu unnukkut mianersoqqusipput.
Marlunngornermi ullaaralaakkut qamitsiniarneq suli ingerlanneqarpoq.
Facebookimi ikinngutit
Suliffeqarfissuaq angallatiliorfik Facebookikkut kalaallinit malinnaaffigineqarluartoq, Poul Petersenimit pigineqarpoq. Taanna 1971-imi kalaallinut angalasartunut umiatsianik tuniniaasalerpoq.
- Kalaallit Nunaannit POCA soqutigineqarluarnera qujamasuutigisorujussuaarput, suliffeqarfissuup nittartagaani tamanna allanneqarpoq.
Ikuallannik pingasunngornermi nilloreeriarpat ikuallattoqarneranut suna pissutaanersoq teknikkikkut misissuinerit aatsaat aallartinnissaat naatsorsuutigineqarpoq.