assagiarsunniarneq

Umiatsiaararsorluni assagiarsunniarnissaq akuerineqartoq

Aalisartut Qeqertarsuarmiut 16-it assagiarsunniarnissamut akuerineqarsimapput. Qinnuteqartut umiatsiaaqqamik aalisarsinnaanermut akuersissutaatillit assagiarsunniarlutik aalisarsinnaanermut qinnuteqarsinnaalerput.

Krabbefiskeri, krabber, Sisimiut
Umiatsiaararsortut assagiarsunniarsinnaaqqilerput.

Naalakkersuisup umiatsiaararsorluni assagiarsunniarnissaq akuerivaa. Tamanna Naalakkersuisut nittartagaanni tusagassiorfinnut nalunaarummi atuarneqarsinnaavoq.

Aasaq manna aalisartut Qeqertarsuarmiut 16-it KNAPK aqqutigalugu umiatsiaaqqamik assagiarsunniarniarlutik qinnuteqarsimasut Naalakkersuisumit akuersissuteqarfigineqarput, Aalisarnermut Naalakkersuisoqarfik tusagassiorfinnut nalunaarummi ilisimatitsivoq.

2010-mili umiatsiaararsorluni assagiarsunniarneq inerteqqutaasimavoq, qinnuteqartullu itigartinneqartarlutik. Tunngavigineqartoq tassaavoq, soorlu Qeqeratarsuup eqqaani, pullatit atorlugit aalisarneq immap naqqani marraqarfiusuni pullasersorluni aalisarneq imarluttillugu ulorianartarmat.

Akuersissutit tunniunneqartut uku aallaavigalugit imatut oqartariaqarpugut, inuussutissarsiutigalugu aalisartuusut imaani sikumiluunniit, nammineerlutik ilisimaarimmassuk suna ulorianartuunersoq.

Qinnuteqartut umiatsiaaqqamik aalisarsinnaanermut akuersissutaatillit assagiarsunniarlutik aalisarsinnaanermut qinnuteqarsinnaalerput.

Powered by Labrador CMS