Umiatsiaaqqamik angalasut marluk periarfeerunneqartut
Uummannap eqqaani ujaasineq ullumikkut unitsikkallarneqarpoq
Uummannap aamma Narsap eqqaani inunnik ujaasisoqarpoq.
Uummannap eqqaani angut 26-nik ukiulik Niaqornaneersoq politiit ujaaraat, taanna ataasinngormat ullaakkut qassuseriartorluni aallarmat takuneqaqqissimanngilaq.
Politiit qulimiguulimmik angallammillu ujaarisimavaat.
Ujaasineq ullumikkut unitsinneqarpoq, qulimiguulik uninngatikkallarneqartariaqarmat. Qaasuitsumi politiit taama ilisimatitsipput. Ujaasineq aqagu nanginneqassaaq.
Qulimiguullip annaassiniarnermi atorneqartup saniatigut aamma umiatsiaaqqanik kajumissutsiminnik ujaaseqataapput, Uummannamilu upalungaarsimasut peqataallutik.
Angutip inuusuttup umiatsiaaraaneersimasinnaasunik politiit nassaarsimapput.
Narsap eqqaani politiit angut 60-nik ukiulik Pavia Gotfredsen ujaaraat. Taanna marlunngormat avalakkami takoqqinneqarsimanngilaq.