Issittumi Sakkutooqarfik
Umiartortoq ajoqusersimasoq Tasiilaliaanneqartoq
Issittumi Sakkutooqarfiup Norgemiut umiarsuaanni ajoqusersimasoq aasimavaat.
Annonse
Norgemiut umiarsuaanni arfininngormat umiarsuaq Tasiilap kujataaniinnerani inuk ajoqusersimavoq.
Umiarsuaq siullermik Islandimiut sinerissami alapernaarsuisuinut attaveqarpoq, taannalu Issittumi Sakkutooqarfimmut attaveqarpoq.
Tassanngaanniillu qulimiguulik annaassiniaasartoq S-61 Kangerlussuarmit Tasiilamut aallartinneqarpoq, tassanilu orserneqarluni.
Siullermilli taanna ajoqusersimasoq qulimiguulimmut amoorneqarnissaa mallerpallaarmat ajornarsimavoq.
Sapaatiummat ullaakku uimarsuaq Tasiilamut qaninnerulersimavoq. Mallerpallaanngimallu inuk qulimiguulimmut qaqinneqarnera iluatsinneqarpoq.
Taanna ajoqusersimasoq Tasiilami napparsimmaviliaanneqarpoq.