Umiarsuit tunitsiviit aalisarneq unitsinngitsuussavaat

Umiarsuit tunitsiviit tallimat aasaru tunitsivigineqarnissaannut Naalakkersuisut akuersissuteqarput

Brøndbåd, Maniitsoq, Royal Greenland

Aalisartunut pisumik pakatsinarneqanngilaq: Aalisagaqarpoq, pisassiissuteqarpoq; kisianni aalisakkanik tunisinissaq periarfissaanngilaq.

Aalisarnermut piniarnermut naalakkersuisoq, Erik Jensen (S), uani aasaanerani arlallit pakatsineq tamanna pinngitsuussagaat neriorsuuteqarpoq. Tassami umiarsuit tunitsiviit tallimat tunitsivigineqarsinnaanissaannut akuersissuteqarpoq.

- Qularutiginngilluinnarpara umiarsuit tunitsiviusut sumiiffinni pineqartuni tunitsivigineqalerpata aalisakkanik tunisineq uneqattaassanngitsoq. Umiarsuarnik tunitsiveqartitsisoqalerpat aalisartut pitsaasumik tunitsiveqarnermikkut atugassaqartitaassallutik, Erik Jensen tusagassiuutinut nalunaarummi allappoq.

Akuersissut ippassaq atuutilerpoq

- Nuannaarutigaara ingerlatsiveqatigiit umiarsuarnik tunitsiviusinnaasunik sumiiffinni assigiinngitsuni umiarsualiiniarmata. Aamma Royal Greenland umiarsuarnik tunitsiveqartitsiniarmat, umiarsuaq saarullinnut uumatitsivilik Maniitsoq aamma umiarsuaq Sisimiut saarullinnut tunitsivigineqassapput. Umiarsuit Paamiunit Kangerlummut tunitsivigineqarsinnaassapput, aamma Kangaatsiap eqqaani tunitsivigineqarsinnaassallutik.

Tamatuma saniatigut umiarsuit saarullinnik tunitsivissat Nuup eqqaaniitinneqassapput, Nuussuup eqqaani qaleralinnut Upernaviup eqqaanut saattuuanut, kiisalu saattuanut, saarullinnut aamma nipisat suaannut Kangersuatsiap qanittuani.

Powered by Labrador CMS