Narsaq
Umiarsuit takornariartaatit ukioq manna annersaat Narsamiissimavoq
Boudicca sapaatip akunnerata naanerani tikikkami sammisaqartitsilluarpoq
– Sukkasuuliaq angeq!
Narsap umiarsualiviani niviarsiaqqap oqaasia paatsuugassaanngilaq.
Tassami angallateeraq, tuluit umiarsuaat takornariartaat Boudicca, 800-nik ilaasulik, sapaatip akunnerata naanerani kujataani illoqarfimmut tikimmat atorneqartoq angeqaaq.
Kaaviiaartitsilluarput
Umiarsuup tikinnera illoqarfimmi sanaluttartut aningaasarsiutigilluarpaat, katersugaasivillu aamma akiliisunik pulaartorpassuaqarpoq.
Nunami biilimik illoqarfimmi angalaartitsisoqarpoq, helikopterimik angalaartitsisoqarluni, kangerlummilu ilulissat akornanni angallammik angalaartitsisoqarluni, takornariat qanimut assilisassarsiortillugit.
Pinngortitaq alianaatsoq
Takornariat kujataani pinngortitaq ungakkiussimavaat, pingaartumillu umiarsuarmik takornariartaammik Ikerasassuakkoorluni nunaqarfik Aappilattoq avaqqullugu, inngigissunik qaqqarsualikkut Torsukattakkoorluni Qaqortup kangerliumarngata kujataa´tungaanut angalanertik nersualaarsimavaat.
Kujataaneereerlutik takornariat Savalimmiunut ingerlaqqipput, kingornalu Tuluit Nunaannukassallutik.