assit takukkit
Umiarsuarmi Ejnar Mikkelsenimi sulisut meeqqanut pinnguartarfiliortut
Umiarsuup alapernaarsuutip Ejnar Mikkelsenip Nunatta kangiani angalanerminut atatillugu Illoqqortoormiuni meeqqat pinnguartarfissaannik sanapput
Kangilinnguit 2012-mi matuneqarmat atuarfik, paaqqinnittarfiit meeqqallu pinnguartarfii pisariaqartinneqarunnaarput. Kangilinnguini pinnguartarfik aamma ukiup aappaa avillugu attorneqanngingajassimavoq. Taamaattumik Kommuneqarfik Sermersuup Arktisk Kommando saaffigaa aperalugulu pinnguartarfik atorfissaqartinneqarnerusumut nuunneqarnerani ikiuisinnaannginnersut.
Ittoqqortoormiit Ejnar Mikkelsenilu
Pinnguartarfik sumi atorfissaqartinneqarnersaanersoq misissuinermi Ittoqqortoormiuni atorfissaqartilluarneqassasoq paasineqarpoq. Aamma umiarsuup alapernaarsuutip atiiata, Ejnar Mikkelsenip, Ittoqqortoormiit illoqarfittut tunngavilerpaa.
Umiarsuarmi innuttat Ittoqqortoormiunut apuukkamik pinnguartarfiup sananeqarnissaa piareersarpaat.
Pinnguartarfiup sananeqarnerani meeqqat assut alapernaapput.
Naak Ittoqqortoormiuni pinnguartarfeqareeraluartoq nutaamik meeqqanut pinnguartarfeqalernissaa pisariaqartinneqarpoq. Meeqqat assigiinngitsunik pinnguarfissaqalerput.
Aamma pinnguartarfittaap atortutai sivisunerusumik ataniassammata qalipanneqarput.
Isikkamik arsaaffinni aamma målinik nutaanik tunisisoqarpoq, pississaartarfik trampolini hockeymullu atortut arsaaqqallu aamma tunniunneqarlutik.
Ejnar Mikkelsenimi sulisut suliartik nuannaraat aammali illoqarfiup meerartaasa pinnguartarfittaarnertik nuannarilluarlugu.
Assit ataani takukkit