sikuki

Umiarsualivittaamut ulloq eqqaamaneqartuaannartussaq

Umiarsuaq siulleq Sikuki Nuuk Harbourimut ullumi sapaammi tikippoq

Søndag klokken 09.20 blev den første container sat af på Sikuki Nuuk Harbour-terminalen i Nuuk

Sapaammi nalunaaqutaq 09.20, Nuummi Sikuki Nuuk Harbourimut containeri siulleq usinginiarneqarpoq.

Containerinik assartuut Ice Moon, Royal Arctic Linep attartorsimasaaq umiarsuarlivittaamut Nuummut tikinnerani, tamanna pivoq.

Taamaasilluni umiarsualivittaaq Sikuki, pisortatigoortuunngitsumik ammaanersiorneqarpoq.

Atuaruk: Containerinut inissiisarfik nutaaq piareerpoq

- Containerinik inissiisarfimmi inissiivissat titartorneqareeriarpata piareersaatillu allat naammassippata tassani sulineq septemberimi aallartissaq. Ataasinngorpamiit Royal Arctic Linep qullersaqarfia Sikukimut nutserneqarnera aallartissasoq, Royal Arctic Linep pisortaa, Verner Hammeken Sermitsiaq.AG-mut allappoq.

Suliffeqarfik sanaartugassanik sanaartortartup Per Aarsleff Grønland ApS-p ataasinngornermi umiarsualivittaaq, 47.000 kvadratmeterinik annertutigisumik containerinut inissiivittalik, naammaasillugu nalunaarutigalugu tunniuppaat.

Umiarsualivittaap pisortatigoortumik ammaanersiorneqarnera ukiaru pissaaq. Qaqugorpiarlu tamanna pissanersoq Sikukip aamma Royal Arctic Linep piffissami aggersumi nalunaarutigissavaat.

Powered by Labrador CMS