udvidelse
Umiarsualivik nutaaq ilusinikkiartortoq
Containerinut umiarsualivik nutaaq pilersaarutit naapertorlugit 2016-imi naammassissaaq. Suliniut piffissami matumani tusarniaassutigineqarpoq
Umiarsualivik 320 meterinik takissusilik.
Tulaffissap nalaa 15 meterinik ititigisoq assartuutit takornariartaatillu anginerpaat Nuummut tulassinnaaqqullugit.
Kivittaassuillu ullumikkut pigisanit oqimaannernik kivitsisinnaasut.
Umiarsualiveqarfik 40.000 kvadratmeteritut annertutigisoq assartukkanik passussinissamut periarfissaginnerusoq kiisalu quersuit inissaqarluartut, maskiinanut, sannavinnut allaffeqarfinnullu periarfissat il.il.
Nuummi umiarsualiviup allissutissaanut qangali utaqqisaasumut pilersaarutit pingaarnerit taamak isikkoqarput.
Suliniutip VVM-imik nalunaarutaa (Avatangiisinut sunniutaasinnaasunik naliliineq) piffissami matumani tusarniaassutigineqarpoq. Nalunaarummi immikkoortualuit assigiinngitsut saqqummiussuunneqarput containerinut umiarsualiviliornissamut attuumassuteqartut.
Pilersaarutit naapertorlugit umiarsualivissaq Qeqertaniissaaq.
Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk: