Pilersaarusiorneq

Umiarsualiviit pingasut millioninik aningaasaliiffigineqarput

Umiarsualiviit pingasut maanna aningaasanik qulakkeerinniffigineqarput, taamaallilluni pilersaarusiornermik aallartitsisoqarsinnaanngorpoq.

Havnen i Uummannaq skal have nye faciliteter.

Naalakkersuisut aamma Inatsisartuni Aningaasaqarnermut Akileraartarnermullu ataatsimiititaliaq aalajangerput, umiarsualivinnut aningaasaliissutissanik ukununnga immikkoortitsiniarlutik:

  • Qaanaami oqquiffissaq nunniugaq
  • Uummannami umiarsualiveqarfiup nutarterneqarnera
  • Kangerlussuarmi umiarsualivik nutaaq

Taamaalilluni umiarsualivinnut pioreersunut aserfallatsaaliinissat saniatigut aningaasaliisoqarluni, tamanna tusagassiuutinut nalunaarummi ilisimatitsissutigineqarpoq.

- Naalakkersuisut aamma Inatsisartut Aningaasaqarnermut Akileraartarnermullu ataatsimiititaliaat pilersaarutinut taakkununnga pingasunut pilersaarusiornissamut aningaasaliissutinik aammalu sanaartornissamut aningaasaliissutinik immikkoortitsiumallutik aalajangermata, assut nuannaarutigivara. Qaanaami innuttaasut ukiorpaalunngulersuni oqqiffik nunniugaq kissaatigiuarsimavaat, Uummannamilu Illorsuarmiut Nuugaatsiarmiullu illoqarfimmut nuunnerisa kingorna umiarsualiviup atornera annertusisimalluni. Tamatumunnga ilanngullugu Kangerlussuarmi umiarsualivik nutaaq, siunissami takornariaqartitsinerup ineriartornissaanut pingaaruteqartussaavoq. Sanaartugassat nutaat taamaasillutik innuttaasunut ikittuinnaanngitsunut pingaaruteqalertussaapput. Pilersaarutinut taakkununnga pingaarutilinnut aallartitsinissara qilanaaraara, naalakkersuisoq Erik Jensen taama oqarpoq.

Powered by Labrador CMS