ullorsiorfik
Ullumikkut: FN-ip nunap inoqqaavinut ullorititaa
Ukioq manna nunat tamalaat nunap inoqqaavinut ullorititaani ilinniarfiit pitsaanerusut sammineqarput
Aggustip qulingiluaat ukiut tamaasa Naalagaaffiit Peqatigiit nunap inoqqaavinut ulloritittarpaa.
Ukioq manna ilinniartitaaneq sammisatut aalajangiunneqarsimavoq.
Tamanut pisinnaatitaaffik
Naalagaaffiit Peqatigiit nunat inoqqaavisa pisinnaatitaaffiinut nalunaarutaanni ilinniarsinnaanermut pisinnaatitaanerat illersugaavoq.
Taanna artikel 14-imi oqaatigineqarpoq, 'nunap inoqqaavisa ilinniarfimmi pilersitsinermik aamma ilinniartitaanermut aaqqissuussaanertik, oqaatsitik atorlugit ilinniarnissamik neqerooruteqartut, sumiiffiimmi kulturiminnut tulluartunik ilinniartitsinermut ilinniarnermullu pisinnaatitaaffeqarput.'
Atuaruk: Ilinniarfissuaq angusinngitsoorpoq
Nunap inoqqaavisa ilinniarnissamut pisinnaatitaanerat aamma nunat tamalaat pisinnaatitaaffinnut tunngasunut suliaqartunut arlalinnit illersugaavoq, nunarsuaq tamakkerlugu inuit pisinnaatitaaffiinut nalunaarummi ilaavoq.
Anguniagaq 4-mi 2030-mut oqaluuserisassami ineriartortitsinissaq ilinniakkanut qaffasissutsinut tamanut aamma inuussutissarsiornikkut ilinniakkanut assigiimmik periarfissaqartitsinermik qulakkeerineq ilaavoq, tassani innarluutillit, nunap inoqqaavi aamma meeqqat atugarliorlutik inissisimasut ilaapput.
Atuarfiit sunniuteqartitsinngitsut
FN-ip ullumi ima oqariartuuteqarpoq:
- Ilinniarfeqarfiit nunap inoqqaavinut oqaluttuarisaanermi atornerluinermi, immikkoortitsinermik aamma sunniuteqartitsinnginnermik ersersitsiinnanngillat, aamma naligiisitsinermut inuiattut ataasiakkaatullu pisinnaatitaaffiinut ataqqinninnermullu ersersitsipput.