Skip to main content

Ullumikkut 75-iliisoq: Elisa Olsen Namminersornerullutik Oqartussanik pilersitsinermut ikiuutaasimavoq

- Sumut ingerlanitsinnit oqaluttuussisussaqarsimanngilagut, Moses Olsenip uillarnera oqaluttuarpoq.

Namminersornerullutik Oqartussat pillugit eqqarsaatit tunuliaqutaat eqqarsaatigineqarmata taanna peqataavoq, taassuma piviusunngortinneqarmat qanimut malinnaaffigaa, Namminersornerullutik Oqartussallu ataataasa imartamut ilisimanngisaminnut iporiarneranni siullermut peqataavoq.

Elisa Olsen ullumikkut 75-inik ukioqalerpoq. Ulloq manna tikillugu eqqumiitsuliortuuvoq, aamma anaanaavoq, aanaa aanaqqiiuvoq aamma Moses Olsenimut, Aqqalunnguamik taagorneqartumut nuliaasimavoq.

- Moses uangalu Nunarput asasarput qaamasumik siunissaqaqqullugu ilungersuuteqarsimavugut, iluunngarluta taamatut kissaateqartut amerlavugut. Ilungersorluta sulivugut, nuannaarutigalugu siulliulluta alloriarluta. Taamani inuusuppugut aamma nutaamik sammisaqarusussuseqarluta, taanna Sermitsiaq.AG-mut oqaluttuarpoq.

Privatfoto

Elisa Olsen nunaqarfimmi Assaquttami Sisimiut eqqaani inunngorpoq, Sismiunilu peroriartorluni.

Juulip aappaanni 1966-imi Moses Olsenilu katipput. Katinnerat immaqa siusinnerusukkut pisimasinnaagaluarpoq, kisianni aappariit palasimut aalajangersimasumut katikkusussimapput, taassumalu palasip ilinniarnini naammasseqqaartariaqarpaa. Palasip aqqa: Jonathan Motzfeldt, ilaqutariit inuunertik tamakkerlugu ikinngutaat. Taakku peqatigiillutik aqqummut ingerlavigineqarsimanngitsumut ingerlapput.

- Taamanikkut allanik kajumissaasussaqanngilagut, kisianni immitsinnut kajumissarluta, aamma sumut ingerlanissatsinnik oqaluttuunnissaqarata. Ataatsimooqatigiittut amerlavugut, ullumikkullu pigisarput anguarput, Elisa Olsen oqaluttuarpoq. 

Elisa aamma Moses inuunerup ingerlanerani oqartarneq eqqorluarlugu ingiaqatigiipput – piffinni nuannersuni, kisianni aamma minnerunngitsumik piffinni ilungersunartuni.

- Piffiit ilungersunartut unitsinngisaannarpaatigut, siumut isigiuaannarpugut. 

Elisa Olsenip qanigisaasa arnatut pinnersutut, nukittuut aamma asannittutut oqaluttuarisarpaat.

- Qujaffissarpassuaqarpunga, ikinngutit, ilisarisimasat aamma ilaquttat, minnerunngitsumillu meeqqatta asasatta marluk siusippallaamik toqunerisigut annaanerini inunnut tapersersuisunut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER