Kullorsuaq
Ulluinnarni pisariaqartitat nungulersut: Cola 200 koruuneqartoq
Upernaviup avannaani Kullorsuarmi nioqqutissat ulluinnarni pisariaqartitat nungulersut Radioaviisimit tusagassiarineqarpoq, innuttaasullu imminnut tuniniaaffigisalersimasut oqaatigineqarluni
Annonse
Tuniniaaneq: cola liiterip affaa 200 koruuni.
Tamanna nunaqarfimmi Kullorsuarmi Upernavimmit 300 kilometerinik avammut ungasitsigisumi piviusut taama isikkoqarput.
Radioaviisimit oqaatigineqarpoq nunaqarfimmi 450-it missaannik inoqartumi nioqqutissat nungulersut, innuttaasullu imminnut tuniniaaffigisalersimasut.
Radioaviisimiillu aamma oqaatigineqarpoq niviarsiaqqap cola liiterip affaa 200 koruunilerlugu tuniniaraa Facebookikkut, ilaallu sodavandi 80 koruunilerlugu tunisaqarsimasut oqaatigalugu.
Kullorsuarmi qaammatit arfineq marluk qaangiummata kingullermik pajuttaammik tikittoqarpoq.
Kullorsuarmi sodavandit marsikkunni nunguttartut nalunaarutigineqarpoq.